O comité clínico que asesora á Xunta de Galicia na xestión da pandemia provocada pola covid-19, vén de acordar, na súa xuntanza semanal, o nivel medio de restricións para o concello de Castroverde, que tivo un gromo que se mantén no tempo e que elevou moito a súa incidencia.
Ademais de Castroverde, só outros catro concellos están en alerta en Galicia: Camariñas, Malpica de Bergantiños, Cambre e Poio.
Todas estas medidas entrarán en vigor ás 00:00 horas do vindeiro sábado, 26 de xuño.
OS DATOS DE HOXE
Tralo ascenso de onte, a covid volve frear o seu crecemento con 3 casos novos, ata 164. Onte o aumento foi de dez casos. Os dous días os datos estiveron condicionados pola escaseza de altas.
Diagnosticaron nas últimas 24 horas 8 casos novos (onte foron 16). As altas chegaron ás 12.739, 4 en 24 horas, cando o día anterior foron 6.
Dende que comezou a pandemia, no mes de marzo do pasado ano, hai 13.124 casos rexistrados e 216 persoas falecidas.
A presión hospitalaria queda en 5 persoas ingresadas no Hula, 1 na UCI e catro en planta. Os outros dous hospitais seguen limpos de covid.
A provincia terá a partir do sábado ao concello de Castroverde en alerta media.
POR COMARCAS
O Concello de Castroverde entrará en alerta media, a única da provincia malia que Portomarín e O Vicedo tamén teñen moi elevada a incidencia. No resto, poucos cambios e na Ribeira Sacra só un concello ten casos, pero con moi baixa incidencia
A Mariña
- O Vicedo eleva a súa incidencia ata valores de alerta alta.
- Con algún caso activo e baixa incendencia están Foz, Cervo, A Pontenova, Trabada e Burela.
- Xove están sen casos na última semana.
- Sen casos novos máis de 15 días están Ourol, Riotorto, Barreiros, Lourenzá, Mondoñedo, Ribadeo, O Valadouro, Alfoz e Viveiro.
Terra Chá
- Vilalba, Cospeito, Friol, Guitiriz, A Pastoriza, Pol, Meira e Castro de Rei teñen casos pero con baixa incidencia.
- Abadín, Begonte e As Pontes levan unha semana sen casos novos.
- Sen positivos dende hai máis de quince días están: Muras, Rábade, Xermade e Outeiro de Rei.
Centro da provincia
- Os casos en Lugo reduce ata 798 (1 menos).
- Castroverde segue en valores de alerta extrema con 12 positivos e entrará o sábado en alerta media.
- Portomarín segue cunha incidencia moi elevada.
- Palas, Monterroso, O Corgo e Guntín teñen positivos pero con baixa incidencia.
- Limpos de covid nos últimos quince días están: Negueira de Muñiz, Baleira, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada e Navia de Suarna.
Comarca de Sarria
- Sarria ten 12 casos pero mantén a incidencia baixa.
- Láncara tamén ten casos e con baixa incidencia.
- Paradela levan unha semana sen casos.
- Samos, O Páramo, O Incio e Triacastela seguen limpos de covid dende fai máis de dúas semanas.
Ribeira Sacra
- Folgoso do Courel ten algún caso pero con baixa incidencia.
- Monforte levan xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón, A Pobra de Brollón, Quiroga e Chantada. Únese Taboada.
