A provincia de Lugo amanece esta mañá cunha nova xornada de contención de virus en 191 casos activos, os mesmos que onte grazas ao elevado número de altas que compensou os novos positivos, que volven baixar con respecto a onte. Na xornada pasada produciuse un brusco aumento de casos debido aos positivos procedentes do grupos de estudantes que viaxaron a Baleares e a un gromo en Sarria.
Diagnosticaron nas últimas 24 horas 19 casos novos (onte foron 28 e o día anterior 13). As altas chegaron ás 12.773, 19 en 24 horas, cando o día anterior foron 9.
Dende que comezou a pandemia, no mes de marzo do pasado ano, hai 13.185 casos rexistrados e 216 persoas falecidas.
A presión hospitalaria sobe a 4 persoas ingresadas. No Hula hai 1 na UCI e 2 en planta e engádese un novo ingresado en Monforte.
A provincia terá dende hoxe ao concello de Castroverde en alerta media e ao de Sarria en alerta alta.
POR COMARCAS
Malia os dous gromos, en Lugo os casos non soben, senón que baixa, e en Sarria estabilízase a situación polo momento. No resto a tendencia é á melloría.
A Mariña
- O Vicedo mantén unha incidencia alta.
- Con algún caso activo e baixa incidencia están Foz, Cervo, A Pontenova e Burela.
- Trabada fai unha semana que non ten contaxios novos.
- Sen casos novos máis de 15 días están Ourol, Riotorto, Barreiros, Lourenzá, Mondoñedo, Ribadeo, O Valadouro, Alfoz e Viveiro. Súmase Xove.
Terra Chá
- Cospeito, Friol, A Pastoriza, Pol, Meira e Castro de Rei teñen casos pero con baixa incidencia.
- Abadín, Begonte, Guitiriz e As Pontes levan unha semana sen casos novos. Únese Vilalba.
- Sen positivos dende hai máis de quince días están: Muras, Rábade, Xermade e Outeiro de Rei.
Centro da provincia
- Os casos en Lugo baixa a 73 (5 menos).
- Castroverde mantense en 11 positivos pero reduce a incidencia durante a última semana.
- Portomarín segue cunha incidencia moi elevada.
- Palas, Monterroso, O Corgo e Guntín teñen positivos pero con baixa incidencia.
- Limpos de covid nos últimos quince días están: Negueira de Muñiz, Baleira, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada e Navia de Suarna.
Comarca de Sarria
- O gromo en Sarria queda en 27 casos (2 menos), con concello en alerta alta.
- Láncara tamén ten casos e con baixa incidencia.
- Samos, O Páramo, O Incio, Triacastela e Paradela seguen limpos de covid dende fai máis de dúas semanas.
Ribeira Sacra
- Taboada e Quiroga teñen casos pero con baixa incidencia. Únese de novo Chantada
- Folgoso do Courel leva xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón, A Pobra de Brollón e Monforte.
