A covid volve manter a estabilidade unha xornada máis na provincia malia os gromos activos en Sarria e Lugo e os contaxios que seguen saíndo vinculados a Baleares.
Así, a provincia de Lugo amanece este luns de novo con 189 casos activos, contendo a expansión por debaixo dos 200 casos.
Diagnosticaron nas últimas 24 horas 13 casos novos (onte foron 16 e o día anterior 19), e as altas chegaron ás 12.809, 18 en 24 horas, as mesmas que onte.
Dende que comezou a pandemia, no mes de marzo do pasado ano, hai 13.214 casos rexistrados e 216 persoas falecidas.
A presión hospitalaria queda en 4 persoas ingresadas (1 menos). No Hula hai 2 na UCI (1 máis) e 1 en planta (2 menos), e 1 en Monforte.
A provincia ten ao concello de Castroverde en alerta media e ao de Sarria en alerta alta.
POR COMARCAS
Os brotes de Sarria, Lugo e Castroverde seguen mantendo alta a cifra de contaxios novos cada día pero as altas e a contención no resto da provincia deixan o número de casos activos por baixo de 200 xa que no resto a tendencia é á melloría.
A Mariña
- O Vicedo mantén unha incidencia alta.
- Con algún caso activo e baixa incidencia están Foz, Cervo, A Pontenova e Burela. Únense Viveiro e Ribadeo de novo.
- Trabada fai unha semana que non ten contaxios novos.
- Sen casos novos máis de 15 días están Ourol, Riotorto, Barreiros, Lourenzá, Mondoñedo, O Valadouro, Alfoz e Xove.
Terra Chá
- Cospeito, Friol, A Pastoriza e Castro de Rei teñen casos pero con baixa incidencia. Únese Outeiro de Rei.
- Begonte, Guitiriz e Vilalba levan unha semana sen casos novos. Únense Pol e Meira.
- Sen positivos dende hai máis de quince días están: Muras, Rábade, Xermade, Abadín e As Pontes.
Centro da provincia
- Os casos en Lugo quedan en 69.
- Castroverde sobe a 12 positivos pero segue con incidencia baixa nunha semana.
- Portomarín segue cunha incidencia moi elevada.
- Palas, O Corgo e Guntín teñen positivos pero con baixa incidencia.
- Monterroso leva unha semana sen casos.
- Limpos de covid nos últimos quince días están: Negueira de Muñiz, Baleira, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada e Navia de Suarna.
Comarca de Sarria
- O gromo en Sarria segue subindo. Xa son 31 positivos (3 máis), co concello en alerta alta.
- Láncara leva unha semana sen contaxios.
- Samos, O Páramo, O Incio, Triacastela e Paradela seguen limpos de covid dende fai máis de dúas semanas.
Ribeira Sacra
- Quiroga eleva a incidencia pero no chega aínda a 10 casos.
- Taboada e Monforte teñen casos pero con baixa incidencia.
- Chantada cuantifica dez contaxios.
- Folgoso do Courel leva xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón e A Pobra de Brollón.
