Veciños de A Furadiña-As Nogueiras de Viveiro reclaman que se desbrocen as beiras da estrada municipal xa que se atopan sen rozar e cheas de maleza.
O portavoz do grupo municipal do PP, Óscar Rodríguez, di que “camiñar pola estrada en A Furadiña constitúe un verdadeiro risco. Á falta de beirarrúas súmase agora a existencia de gran cantidade de maleza nas beiras, polo que os peóns teñen que camiñar case polo medio da calzada, con risco para a súa integridade física”.
Nun tramo da estrada hai árbores a cada lado e Rodríguez sinala que fai tempo que non foron podadas e, debido a elo, hai algunhas polas moi baixas, nas que rozan as furgonetas e os camións.
Por iso, varios veciños queixaronse e reclaman ao goberno local que ordene rozar as beiras desta estrada “xa que se pasa de mediados de xullo”.
Mentres “a Administración insta aos propietarios de terreos a rozalos e mantelos nas debidas condicións de ornato e hixiene, a propia Administración, con frecuencia, esquece as súas obrigas e ten as súas estradas sen rozar” , din os populares.
