Vilalba acollerá este sábado, 17 de xullo, ás 18h na praza da Constitución, o concerto de Pakolas, un espectáculo de rock infantil para público miúdo no que as protagonistas das cancións son ELAS: nenas, nais, inventoras, heroínas, doutoras, figuras femininas que tratan de poñer en valor a importancia de vivir en igualdade, de historias contadoras de superación de desigualdades, e de loita polo respecto e a liberdade.
A actividade está dirixida a nenos de 3 a 10 anos.
Coa súa guitarra e a súa voz ao vivo, completando con bases gravadas de baixo e batería, e co seu estilo rockeiro tan inconfundible, Pakolas fará gozar por igual a maiores e pequenas/os, coas súas músicas e a súa forza creativa.
