Este sábado 31 de agosto continúa a programación cultural de verán na Pobra do Brollón cun concerto a cargo dos Cantareiros de Cántigas e Frores, o grupo de pandereteiros da consolidada agrupación lucense de música tradicional.
Un dos membros do grupo é Iago Domínguez, profesor de baile e pandeireta na Escola municipal de música da Pobra do Brollón.
O concerto traerá a música tradicional a Pobra do Brollón para disfrutar do sábado da mellor maneira posible. Así pois, a actuación realizarase ás 20:30 na terraza do bar A Vella Taberna, na Pobra do Brollón. A entrada é de balde pero é preciso reservar no teléfono 982 430 469.
O próximo concerto na Pobra do Brollón será con Teresa Ferreiro o domingo 8 de agosto.
