Destinados 377.700 euros para facilitar a contratación de 25 persoas perceptoras da Risga (renda de integración social de Galicia) que se encargarán de realizar obras ou servizos de interese xeral en catro concellos da zona sur da provincia de Lugo.
Así pois, explicouse que a medida busca favorecer a inserción laboral destas persoas co obxecto de proporcionarlles a experiencia e práctica profesional necesarias para facilitar a súa inserción laboral.
En canto á distribución das achegas aprobadas, Monforte de Lemos contará co apoio para realizar 16 contratos, Chantada cinco e Sober e Taboada dous cada un.
O importe da subvención que se concede ás entidades beneficiarias será o equivalente ao necesario para sufragar os custos salariais totais, incluída a cotización empresarial á Seguridade Social, durante un período de nove meses.
