Skip to main content
Chantada

Da comezo a 47 Subida de Chantada

Por 31 Xullo, 2021Sin comentarios

Xa comeza o primeiro día da Subida de Chantada. Así pois, os vehículos comezan pola mañá os adestramentos desta 47 edición. Unha festa do motor recoñocida a nivel nacional pola súa sona e polas súas características.

Desta maneira, os espectadores poderán gozar de dúas xornadas repletas de emoción, dunha lista de participantes excelente e do encanto da Ribeira chantadina, da que se poderán disfrutar dunhas vistas incríbles.

Dende a organización recordan que se pechará a estrada LU C-533 o sábado 31 de xullo das 10 horas ata as 19 e, no caso do domingo, dende as 7.30 horas ata as 14.30 horas. O desvío alternativo será pola estrada CP-1811 a través do encoro de Belesar.

Ademais, tamén piden o máximo coidado, respectando en todo momento as normas sanitarias. Por outro lado, a Subida tamén se poderá disfrutar en directo de maneira online a través das canles que mencionan nas redes sociais. Así pois, anímase a todo o mundo a poder vivir unha xornada de motor intensa e emocionante.