Volve o programa Cultura na Rúa, cargado de actuacións para as noites de verán: cinema, teatro, música, humor e maxia daranse cita na Praza Santa María.
Recoméndase a inscrición previa no 982 571 516 de 9.00 a 14.00 horas e de 15:30 a 20:00 horas, para a película de Cuñados é necesario retirar as entradas gratuítas na Casa da Cultura no mesmo horario.
Dará comezo este sábado 7 de xullo ás 20.30 horas co grupo de teatro Ghazafelhos e a súa obra A illa sen tesouro, e continuará o 14 con música de AC O Arco da vella de San Miguel de Reinante e de ADM Dambara de Burela.
Xa o sábado 21 de xullo ás 20.30 horas será a quenda da obra Picnic do grupo de teatro Pérez&Fernández e pola noite, ás 22.00 horas, será o visionado da película Lo nunca visto.
