O Concello de Mondoñedo e a Escola de Música están a organizar o concerto final da VII edición do certame de canto Mamá,quero cantar!.
O concurso atópase na súa fase final, tras ter recibido ao longo do certame clases de técnica vocal, técnicas de gravación en estudo, relaxación para músicos, posta en escena e técnicas de superación de medo escénico, nas instalacións da Escola de Música.
Así, durante o venres 10 de setembro os finalistas interpretarán no concerto do Auditorio Pascual Veiga as súas cancións ás 20.30 horas.
