Nos meses de setembro e de outubro realizarase o curso gratuíto Cata de iniciación á Ribeira Sacra. Achegamento do pobo ao mundo do viño, en diferentes localizacións da Ribeira Sacra.
O horario no que se levará a cabo será de 17.30 a 21.30 horas e comezará o 1 de setembro en Monforte de Lemos, na sede do Consello Regulador da Denominación de Orixe. O día 7 realizarase en Sober, o día 8 en Pantón, o día 21 en Taboada e o día 22 no telecentro de Chantada.
En canto ao mes de outubro, estará o día 6 en Quiroga e o día 7 na Pobra do Brollón.
O curso está destinado a persoas vinculadas profesionalmente e de xeito directo cos sectores produtivos da agricultura, gandería, industria agroalimentaria e cadea forestal, ou con expectativa de incorporación cuxo ámbito de actuación sexan zonas rurais.
As reservas deberán facerse, como máximo, sete días antes de cada acción. Así mesmo, para máis información, calquera dúbida ou para inscribirse, pódese contactar no teléfono 689 292 675 ou no enderezo electrónico mercedes.embajadora@gmail.com.
