A Asociación Amigos do Folión de Chantada informou que a exposición Vestimenta nas terras de Lugo e a de Folión de Carros. Patrimonio cultural de Chantada permanecerán abertas ata o luns 30 de agosto.
Esta decisión tomouse debido ó elevado número de visitas que están tendo ambas exposicións, por iso consideran necesario ampliar a data para poder visitalas. Así pois, a mostra Vestimenta nas terras de Lugo atópase instalada na Casa da Cultura de Chantada, mentras que a exposición Folión de Carros é exterior polo que se encontra na praza de Galicia.
As visitas guiadas continuarán igualmente ata o dia 30 de agosto, previa solicitude á Asociación. Pódese contactar no mail amigosdofolion@gmail.com
