A Asociación de Pais e Nais do IES Pedregal de Irimia de Meira recollerá firmas para protestar contra o recurte de profesores no centro para o próximo curso escolar.
Segundo explican, dos 25 profesores que solicitou o centro, só lles concederon 21, aínda que a matrícula tendeu á subida. Consideran os pais que esta situación derivará nun deterioro da calidade educativa, porque haberá “clases con máis nenos, nenos que non poderánn cursar as materias que elixiron e profesorado que impartirá outras que non son a súa especialidade”.
A recollida de firmas levarase a cabo polos establecementos da vila e arredores.
