Os contaxios e a hospitalización repuntan pero as altas moderan o crecemento

Os casos activos continúan baixando este venres grazas ás numerosas altas aínda que repuntaron os novos contaxios e a hospitalización na UCI.  Así, hoxe hai 2.156 casos activos, o que supón 15 menos que onte. Esta cifra obtense polos 135 novos enfermos que sumaron en 24 horas e as 149 altas.

Na xornada de onte a baixada foi de 41 casos activos, con 124 novos positivos e 166 altas.

Ademais, dende que comezou a pandemia, no mes de marzo do pasado ano, hai 16.940 casos rexistrados e 222 persoas falecidas, cinco nesta quinta vaga.

A presión hospitalaria segue subindo. Hai 37 persoas ingresadas (2 máis) nos tres hospitais. Na UCI do Hula continúan 6 e nas diferentes plantas son 31 os enfermos (2 más); 20 están no de Lugo (1 menos), 7 na Mariña (1 máis) e 4 en Monforte (2 máis) .

CAMBIO DE RESTRICIÓNS

Así, dende o próximo sábado de madrugada, o sistema de alerta quedará do seguinte xeito:

• En alerta máxima: Burela, Foz, Viveiro e Monterroso.
• En alerta alta: Lugo, Chantada, Monforte, Cervo, Ribadeo, Xove e Palas de Rei.
• No nivel medio están Sarria, Vilalba, Mondoñedo, Barreiros, Cospeito, Outeiro de Rei e As Pontes

POR COMARCAS

Na Mariña continúan a baixar os casos pero no resto a estabilidade ponse en perigo nos concellos onde hai unha pequeno repunte xeral, agás no sur, que mellora.

A Mariña

Centro da provincia

• A Fonsagrada sobe 1 ata 19.
• Antas de Ulla segue con 10.
• As Nogais está sen casos na última semana.
• Baralla, sen casos na última semana.
• Baleira, con menos de 10 casos.
• Becerreá, sen casos na última semana.
• Castroverde, con menos de 10 casos.
• Cervantes, sen casos nos últimos quince días.
• Guntín segue con 13 casos.
• Lugo seguen baixando. Son 653 (5 menos).
• Monterroso baixa a 46 casos (6 menos).
• Navia de Suarna, sen casos na última semana.
• Negueira de Muñiz con menos de dez.
• O Corgo sobe a 12 (2 máis).
• Palas segue con 30.
• Pedrafita,  menos de 10 positivos.
• Portomarín, con menos de 10 casos.
• Ribeira de Piquín, con menos de 10 casos.

Ribeira Sacra

• Monforte baixa a 78 casos (13 menos).
• Chantada reduce a 49 casos (4 menos).
• Quiroga segue con 16.
• Sober, menos de 10.
• A Pobra de Brollón sobe a 12.
• Carballedo baixa a 10 (2 menos).
• O Saviñao que sobe a 12 (1 máis) .
• Bóveda segue con 10.
• Taboada ten 12 (2 máis).
• Pantón, menos de 10.
• Ribas de Sil, sen casos en quince días.
• Folgoso do Courel leva unha semana limpo.

AS RESTRICIÓNS

Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.

Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.

Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.

Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.

En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.

Non haberá peche perimetral en ningún dos concellos.