Dous novos gromos na provincia frearon a tendencia á recuperación desta quinta vaga. Malia que os casos descenden, volven facelo só grazas ás altas pero de forma moi lenta.
Así, hoxe hai 1.282 casos activos, 5 menos que onte, cunha rexistro de 97 novos positivos e 101 altas. Onte a baixada foi de 57 casos, con 60 novos enfermos e 117 altas.
Ademais, dende que comezou a pandemia, no mes de marzo do pasado ano, hai 18.056 casos rexistrados e 230 persoas falecidas, 13 nesta quinta vaga.
A presión hospitalaria baixa de novo. Hai 33 persoas ingresadas (2 menos) en catro hospitais. Na UCI do Hula hai 6 e nas diferentes plantas son 27 os enfermos (2 menos); 22 están no de Lugo (3 menos), 2 na Mariña (1 máis), 2 en Monforte e 1 no Polusa.
CAMBIO DE RESTRICIÓNS
O sistema de alerta (que cambiará este sábado) está establecido en 3 niveis do seguinte xeito:
- En alerta máxima: ningún.
- En alerta alta: Viveiro, Burela, Foz, Ribadeo, Xove, Chantada, Lugo e Outeiro de Rei.
- No nivel medio: Cervo, Mondoñedo, Monforte de Lemos, Sarria, Monterroso, Palas de Rei, Cospeito, Guitiriz, Vilalba e As Pontes.
- No nivel baixo: o resto de concellos.
POR COMARCAS
La situación en Monforte preocupa xa que provocou un importante aumento de novos contaxios. Tamén continúa empeorando a situación en Rábade, onde os enfermos seguen sumando. Detectouse tamén un segundo gromo en Barreiros pero os casos aínda non sumaron todos na listaxe da xornada.
A Mariña
- A Pontenova, con menos de 10.
- Alfoz segue con 10.
- Barreiros reduce a 12 (1 menos).
- Burela ten 20.
- Cervo, menos de 10 casos.
- Foz sobe a 21 casos, 2 máis.
- Lourenzá leva quince días sen casos.
- Mondoñedo sobe a 11 casos (1 máis).
- O Valadouro cae por debaixo de 10 casos.
- O Vicedo, con menos de dez.
- Ourol xa está sen casos na última semana.
- Ribadeo baixa 3 ata 38.
- Riotorto, con menos de 10.
- Trabada, menos de 10 casos.
- Viveiro, 52 casos, 11 menos.
- Xove, menos de 10.
Terra Chá
- A Pastoriza mantén 10 casos.
- Abadín, menos de 10.
- As Pontes baixa 1 ata 15.
- Begonte sobe a 16 (3 máis).
- Castro de Rei sobe 3 ata 22.
- Cospeito baixa 3 ata 10.
- Friol, sen casos nunha semana.
- Guitiriz baixa 2 ata 16.
- Meira, con menos de 10 casos.
- Muras, sen positivos dende hai máis de quince días.
- Outeiro de Rei reduce 3 casos ata 18.
- Pol, menos de 10.
- Rábade, sobe 3 máis ata 19.
- Vilalba rebaixa a 34, 3 menos.
- Xermade, menos de 10.
Comarca de Sarria
- Láncara, por debaixo dos 10 casos.
- O Incio, sen casos nunha semana.
- O Páramo, menos de 10 casos.
- Paradela volve ter casos, por debaixo de 10.
- Samos, menos de 10 casos.
- Sarria baixa 4 casos ata 40 casos.
- Triacastela, menos de 10 casos.
Centro da provincia
- A Fonsagrada queda xa por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla volve ter 10 casos.
- Baleira, con menos de 10 casos.
- Becerreá, con menos de 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos na última semana.
- Lugo, malia o gromo, reduce ata 408 casos, 18 menos.
- Monterroso rebaixa a 11, 2 menos.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, sen casos na última semana.
- Palas de Rei, sen casos na última semana.
- Pedrafita, con menos de 10 casos.
- Portomarín, sen novos casos nunha semana.
- Ribeira de Piquín, sen novos casos en quince días.
Ribeira Sacra
- A Pobra de Brollón reduce a 14 (3 menos).
- Bóveda, sen novos casos en dúas semanas.
- Carballedo, menos de 10 casos.
- Chantada sobe a 31 (2 máis).
- Folgoso do Courel, sen casos en quince días.
- Monforte sobe 26 casos ata 93 casos.
- O Saviñao, menos de 10 casos.
- Pantón, con menos de 10 casos.
- Quiroga, menos de 10 casos.
- Ribas de Sil, sen casos en quince días.
- Sober, menos de 10 casos.
- Taboada leva sen casos unha semana.
AS RESTRICIÓNS
Nas zonas de nivel máximo non se poderá servir nos interiores dos locais de hostalaría e ocio nocturno.
Nas de nivel alto, o aforo será do 30% en interior e do 50% no exterior e o ocio nocturno interior permanecerá pechado e unicamente terán servizo nas terrazas ao aire libre, para o consumo e o servizo sentado na mesa, co 50% da capacidade máxima permitida.
No nivel medio a limitación no interior e na terraza será do 50%, e no ocio nocturno será de 30% no interior e do 50% no exterior.
Por último, no nivel medio-baixo a restrición no interior será de 50% e na terraza ao aire libre do 100%. No ocio nocturno será de 30% no interior e do 50% no exterior.
Non haberá peche perimetral en ningún dos concellos.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.