A covid segue en crecemento, tanto de casos activos, como de hospitalización aínda que a cifra de novos enfermos modérase pero aínda non logra compensarse coas altas.
Así, hai 1.377 casos activos, 35 máis que onte, cun rexistro de 101 novos positivos e 67 altas. Onte a subida foi de 50 casos, con 138 novos enfermos e 87 altas.
Ademais, dende que comezou a pandemia, no mes de marzo do pasado ano, hai 18.712 casos rexistrados e 232 persoas falecidas, 15 nesta quinta vaga.
A presión hospitalaria empeora de novo. Hai 33 persoas ingresadas en catro hospitais (5 máis). Na UCI do Hula suman un novo caso e son 3 e nas diferentes plantas son 30 os enfermos (4 máis); 24 están no de Lugo (5 máis), 3 na Mariña e 3 en Monforte (1 menos).
MAPA DE RESTRICIÓNS
O sistema de alerta está establecido en 4 niveis do seguinte xeito ata o próximo sábado:
- En alerta máxima: ningún.
- En alerta alta: Rábade.
- No nivel medio: Mondoñedo, Monforte de Lemos, Sarria, Monterroso, Viveiro, Ribadeo, Barreiros, Chantada, Lugo e Outeiro de Rei.
- No nivel baixo: o resto de concellos.
A partir do sábado Monforte estará en alerta máxima. Ademais pasan tamén ao nivel alto Castro de Rei, Meira, A Pastoriza, O Saviñao, Pantón, Sober, que se suman a Rábade.
No nivel medio quedarán Outeiro de Rei, Chantada, Lugo, Begonte.
POR COMARCAS
A situación amaina en Monforte e Lugo pero aparecen outros frontes como Baralla, A Pastoriza e Outeiro de Rei. A Mariña segue á baixa e Sarria estabilízase.
A Mariña
- A Pontenova queda en 12.
- Alfoz está por debaixo de 10.
- Barreiros segue con 11.
- Burela sobe a 13 (1 máis).
- Cervo, menos de 10 casos.
- Foz segue con 17.
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos na última semana.
- Ourol, con menos de dez.
- Ribadeo baixa 1 ata 29.
- Riotorto, con menos de 10.
- Trabada sen casos na última semana.
- Viveiro, 32 casos, 2 menos.
- Xove, sen casos na última semana.
Terra Chá
- A Pastoriza sobe a 36 casos (7 máis).
- Abadín, menos de 10.
- As Pontes está por debaixo de 10.
- Begonte sobe a 19 (3 máis).
- Castro de Rei suma 5 ata 47.
- Cospeito volve subir ata 13 (1 máis).
- Friol, por debaixo de 10.
- Guitiriz reduce a 10 (1 menos).
- Meira baixa de 10 casos.
- Muras, sen positivos dende hai máis de quince días.
- Outeiro de Rei sobe 4 casos ata 22.
- Pol, por debaixo de 10.
- Rábade baixa 1 ata 15.
- Vilalba sobe a 31, 4 máis.
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, con menos de 10.
- O Páramo, sen casos novos na última semana.
- Paradela, por debaixo de 10.
- Samos, menos de 10 casos.
- Sarria reduce 6 ata 34.
- Triacastela volve ter algún positivo.
Centro da provincia
- A Fonsagrada, por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla sobe a 35, 13 máis.
- Baleira, con menos de 10 casos.
- Becerreá suma 1 máis ata 11 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos en quince días.
- Lugo suma un caso máis ata 358.
- Monterroso continúa con 21.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei, sobe a 14.
- Pedrafita leva unha semana sen casos.
- Portomarín, sen novos casos en quince días.
- Ribeira de Piquín, por debaixo de 10.
Ribeira Sacra
- A Pobra de Brollón, por debaixo de 10 casos.
- Bóveda, por debaixo de 10.
- Carballedo, por debaixo de 10.
- Chantada segue con 37.
- Folgoso do Courel, por debaixo de 10.
- Monforte segue disparado. Son 207, 3 máis.
- O Saviñao sobe ata 18 (3 máis).
- Pantón, con menos de 10 casos.
- Quiroga, menos de 10 casos.
- Ribas de Sil, sen casos en quince días.
- Sober, menos de 10 casos.
- Taboada, por debaixo de 10.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
