Skip to main content
Axenda Caducada

Exitosa edición da Camovi malia estar adaptada ás restricións

Por 6 Setembro, 2021Setembro 26th, 2021Sin comentarios

A X edición da CAMOVI, a Carrera por Montaña Montes de Viveiro, estivo marcada por se unha edición adaptada ás restricións sanitarias establecidas polo COVID-19.

Non obstante, dende o Concello de Viveiro, recálcase que malia as circunstancias e de tratarse dunha edición máis reducida que en anos anteriores, foi posible sentir a esencia desta proba deportiva. Esta tradicional proba caracterizouse un ano máis pola dureza do seu percorrido pero, ao mesmo tempo, pola gran beleza paisaxística da contorna. 

O goberno local inclúe no seu agradecemento o traballo dun centro de voluntarios quen, antes, durante e despois da proba colaboran coa organización para o seu desenvolvemento, cos traballos de montaxe e desmontaxe, na preparación das pistas, nas entrega de dorsais, nos puntos de avituallamento, entre outras tarefas. 

O Concello suma ademais a súa felicitación aos 450 participantes desta edición polo dobre esforzo realizado, xa que á dureza da proba se sumou a calor do día de onte. O goberno local espera que os deportistas que participaran nalgunha das tres distancias establecidas 42, 21 ou 10 quilómetros puideran gozar da CAMOVI e volvan a Viveiro na vindeira edición desta proba. 

Tamén o Concello de Viveiro quixo facer unha mención especial a Carmen, unha corredora invidente que xunto co seu guía, Felipe, participou na carreira de 21 quilómetros, un grande exemplo para todos de superación.