O creador chairego Miguel Anxo Fernán Vello, poeta e editor, conta xa co seu propio Hectómetro Literario no Paseo dos Soños de Vilalba (o número XIV), por iniciativa da Asociación Xermolos e a Irmandade Manuel María. Este foi colocado malia ter que retrasar, en varias ocasións a súa homenaxe.
Debido a que pola situación sanitaria suprimiuse a táboa redonda e parte da programación habitual, esta terá lugar este sábado, 2 de outubro, no Paseo dos Soños.
Esta será ás 12.00 no Muiño do Rañego e contará coas intervencións de Teresa Seara, Xulio López Valcárcel, Luz Campello e Xulio Xiz
A continuación terá lugar un percorrido polo Paseo dos Sñolos ata este XIV Hectómetro literario.
Rematarán a sesión cun xantar. Os que desexen participar deberán anotarse no teléfono 646 413 890.
No Paseo dos Soños de Vilalba teñen xa cadanseu Hectómetro Literario Paco Martín, Manuel María, Agustín Fernández Paz, Darío Xohán Cabana, Xabier P. Docampo, Xosé Manuel Carballo, Margarita Ledo, Helena Villar-Xesús Ràbade, Xosé Chao Rego, Ramón Luis Chao, Xulio Xiz, Mini e Mero, e Alfonso Blanco Torrado.
