Hipócrita Teatro continúa a programación, no seu local da rúa Doutor Gasalla, do Circuíto Galego de Teatro Amador promovido pola Fegatea co apoio da Consellería de Cultura.
Trátase de 4 pezas de teatro que exploran códigos e xéneros ben distintos, dende o drama á parodia pasando pola comedia. Dúas das funcións xa se celebraron e queda unha para este sábado ademais da prevista para o domingo, que foi adiada.
Todas as funcións teñen lugar ás 19 horas e o prezo da entrada é de 3 euros. As entradas poden reservarse a través da web de Hipócrita ou adquirirse na billetería dende unha hora antes.
Este sábado representarase a obra Que familia! de Atrezo Teatro. Trátase dunha peza escrita e dirixida por Chelo Pampillón que aborda o papel dos maiores na familia e plantexa un dilema moral: “hai xente que resulta prescindible na sociedade na que vivimos?” A función será o sábado ás 19 horas.
Por outra banda, a función prevista para o domingo 26, que corría a cargo de Hipócrita Teatro coa estrea da obra Casting, tivo que ser adiada por problemas de saúde dunha das actrices. Nos vindeiros días anunciarase a nova data.
