Veciños da rúa Aquilino Iglesia de Lugo tiveron onte unha importante fuga de auga ás 19.45 horas. Ata alí desprazáronse os axentes da Unidade Territorial de Policía de Barrio onde constataron a rotura da tubaxe.
Os axentes comproban no lugar que se trata da rotura dunha acometida, que estaba a producir unha fuga, a modo de columna de auga cunha altura aproximada de tres pisos.
Así, requeriuse a presenza da empresa de mantemento que enviou operarios para a reparación da avaría, que quedou solucionada pola noite.
