Skip to main content
Lugo

Preto de 8.000 pequenos iniciaron hoxe o curso escolar na cidade

Por 9 Setembro, 2021Sin comentarios

O Tenente Alcalde, Rubén Arroxo visitou xunto co concelleiro de Educación, Felipe Rivas, o comedor escolar do CEIP Rosalía, que vén de iniciar a súa actividade coincidindo co comezo do novo curso escolar. “Este ano os comedores escolares atenderán a preto de 700 usuarios, máis dos que se atenderon antes da pandemia”, explicou Felipe Rivas, que engadiu “organizamos os comedores en distintas quendas para garantir a mínima ocupación simultánea, mellorando a seguridade deste servizo”.

A concellería de Educación adaptou os protocolos dos comedores ás novas normas elaboradas polas autoridades sanitarias, “o que permitiu aumentar a cabida xeral do servizo, facilitando a conciliación ás familias”, explicou Felipe Rivas, que destacou que “este ano puidemos outorgar praza a todos os usuarios fixos do servizo de comedor, e aos fixos e esporádicos do servizo de madrugadores”.

SEN INCIDENCIAS

O curso escolar 2021/22 comezou hoxe con 19.789 rapaces e rapazas matriculados en 120 centros da provincia de Lugo, 6.128 deles en Educación Infantil, 13.576 en Primaria e 85 en educación especial. Na cidade de lugo son 2.349 os alumnos que iniciaron o curso en Educación Infantil e 5.358 en Primaria, ademais dos 63 que o fixeron en Educación Especial.

Nou hou que rexistrar incidencias dentro desta primeira xornada na que a covid segue a estar moi presente.