O club deportivo de voleibol Korbis informa que sacan un grupo de iniciación ao voleibol para os máis pequenos. Desta maneira todos aqueles nenos nacidos en 2014, 2015 e 2016 teñen a oportunidade de comezar esta andaina os venres de 17 a 18 horas.
Esta actividade comezará o venres 17 de setembro no pavillón municipal A Pinguela e será de portas abertas ata o vindeiro mes de outubro.
Todos aqueles interesados ou interesadas nesa franxa de idade poden contactar co club para máis información e, no caso de que exista moita demanda, sacarán outro grupo noutra hora diferente.
