Xa está aberto o prazo de preinscrición e de matrícula na sección de Sarria da Escola Oficial de Idiomas para este curso 2021-2022. Desta maneira, o prazo de preinscrición será do 1 ao 14 de setembro, mentres que a matrícula será do 18 ao 30 de setembro.
Os horarios e os días dependen do nivel no que se matricule cada persoa e poden existir accesos directos; os que conten con bacharelato poderán acceder a un B1 e os que conten coa ESO poderán acceder a un A2.
Os cursos serán presenciais e están dirixidos a persoas que teñan máis de 16 anos e que precisen empregar o inglés no entorno laboral ou persoal.
Por outra beira, hoxe é o último día para inscribirse na proba de clasificación que se realizará o 9 de setembro ás 16 horas na EOI de Lugo.
Para máis información pódese contactar no enderezo electrónico extension.sarria@gmail.com, no facebook ou no número de teléfono 982 870 790.
