A provincia de Lugo mantén o mesmo número de casos activos que onte pero mantén a súa tendencia á contención. Así, hai 1.402 casos activos, cun rexistro de 58 novos positivos e 57 altas. Onte a baixada foi de 35 casos, con 76 novos enfermos e 107 altas.
Ademais, dende que comezou a pandemia, no mes de marzo do pasado ano, hai 19.280 casos rexistrados e 236 persoas falecidas, 19 nesta quinta vaga, trala morte dun home de 64 anos na residencia das Gándaras.
A presión hospitalaria volve subir. Hai 33 persoas ingresadas en tres hospitais (6 máis). Na UCI do Hula seguen 4 ingresados, e nas diferentes plantas son 29 os enfermos; 24 están no de Lugo (5 máis), 4 na Mariña (1 máis) e 1 en Monforte.
MAPA DE RESTRICIÓNS
O sistema de alerta está establecido en 4 niveis do seguinte xeito:
-
- En alerta máxima: Monforte.
- En alerta alta: Rábade, Castro de Rei, Meira, A Pastoriza, O Saviñao, Pantón e Sober.
- No nivel medio: Outeiro de Rei, Chantada, Lugo e Begonte.
- No nivel baixo: o resto de concellos.
O comité clínico avanzou un novo cambio de restricións que será efectivo a partir da madrugada do sábado e que deixaría a Monforte no nivel máximo. No alto situaranse Antas de Ulla, Monterroso, Palas de Rei, Vilalba, A Pastoriza, Castro de Rei, Meira e O Saviñao.
Finalmente no medio estarán Chantada, Lugo, Outeiro de Rei, Baralla, Cospeito e Taboada.
POR COMARCAS
As zonas que se incorporan o sábado ao sistema de alertas están subindo en número de casos mentres no resto hai unha tendencia xenérica á baixa agás nas zonas de gromos.
A Mariña
- A Pontenova segue con 13.
- Alfoz xa leva unha semana sen casos.
- Barreiros por debaixo de 10 casos.
- Burela, por debaixo de 10.
- Cervo volve ter algún caso.
- Foz baixa a 19 (2 menos).
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos en quince días.
- Ourol, sen casos na última semana.
- Ribadeo sobe 2 ata 27.
- Riotorto, sen casos na última semana.
- Trabada sen casos xa en quince días.
- Viveiro ten 22 casos, 2 menos.
- Xove, sen casos máis de quince días.
Terra Chá
- A Pastoriza sobe a 42 (1 máis).
- Abadín xa leva sen casos unha semana.
- As Pontes está por debaixo de 10.
- Begonte reduce a 15 (1 menos).
- Castro de Rei baixa 1 ata 50.
- Cospeito sobe 1 máis e chega a 24 casos.
- Friol continúa con 12.
- Guitiriz xa está por debaixo de 10 casos.
- Meira suma de novo ata 11 casos.
- Muras, sen positivos dende hai máis de quince días.
- Outeiro de Rei baixa a 16 (2 menos).
- Pol, por debaixo de 10.
- Rábade, por debaixo de 10 casos.
- Vilalba continúa con 44 casos.
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, sen casos novos nunha semana.
- O Páramo, con menos de 10.
- Paradela contabiliza 10 casos.
- Samos, menos de 10 casos.
- Sarria sobe de novo 2 casos e xa son 26.
- Triacastela, menos de 10 casos.
Centro da provincia
- A Fonsagrada, sen casos novos na última semana.
- Antas de Ulla mantén 11 casos.
- As Nogais, sen casos nos últimos quince días.
- Baralla mantén os 53 de onte.
- Baleira, sen casos novos na última semana.
- Becerreá, por debaixo de 10 casos.
- Castroverde, con menos de 10 casos.
- Cervantes, sen casos na última semana.
- Guntín, con menos de 10 casos.
- Lugo descende de novo, 9 casos menos ata 317.
- Monterroso suma 3 máis ata 39.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei, mantén 29 casos.
- Pedrafita leva quince días sen casos.
- Portomarín, por debaixo de 10.
- Ribeira de Piquín leva unha semana sen casos.
Ribeira Sacra
- A Pobra de Brollón volve ter algún caso.
- Bóveda, por debaixo de 10.
- Carballedo, unha semana sen casos.
- Chantada sobe 1 ata 40.
- Folgoso do Courel, por debaixo de 10.
- Monforte empeza a baixar. Son 269, 3 menos.
- O Saviñao baixa 2 ata 26.
- Pantón, con menos de 10 casos.
- Quiroga segue con 11 casos.
- Ribas de Sil, sen casos en quince días.
- Sober mantén 11 casos.
- Taboada sobe ata 12 casos.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
