A provincia de Lugo volve sumar casos positivos pero un número pouco significativo xa que só son 6 máis que onte polo que continúa a contención do virus. Así, hai 1.408 casos activos, cun rexistro de 53 novos positivos e 47 altas. Onte non houbo movemento de casos, con 58 novos enfermos e 57 altas.
Ademais, dende que comezou a pandemia, no mes de marzo do pasado ano, hai 19.333 casos rexistrados e 236 persoas falecidas, 19 nesta quinta vaga.
A presión hospitalaria mantense. Hai 332 persoas ingresadas en tres hospitais (1 menos). Na UCI do Hula os ingresos baixan a 2 (2 menos), e nas diferentes plantas son 30 os enfermos (1 máis); 23 están no de Lugo (1 menos), 5 na Mariña (1 máis) e 2 en Monforte (1 máis).
MAPA DE RESTRICIÓNS
O sistema de alerta está establecido en 4 niveis do seguinte xeito ata o sábado:
-
- En alerta máxima: Monforte.
- En alerta alta: Rábade, Castro de Rei, Meira, A Pastoriza, O Saviñao, Pantón e Sober.
- No nivel medio: Outeiro de Rei, Chantada, Lugo e Begonte.
- No nivel baixo: o resto de concellos.
O comité clínico avanzou un novo cambio de restricións que será efectivo a partir da madrugada do sábado e que deixaría a Monforte no nivel máximo. No alto situaranse Antas de Ulla, Monterroso, Palas de Rei, Vilalba, A Pastoriza, Castro de Rei, Meira e O Saviñao.
Finalmente no medio estarán Chantada, Lugo, Outeiro de Rei, Baralla, Cospeito e Taboada.
POR COMARCAS
Os concellos de menor poboación empezan a rexistrar semanas limpas de covid mentres os grandes seguen en contención. Destaca a caída de casos en Monforte.
A Mariña
- A Pontenova baixa a 12 casos (1 menos).
- Alfoz leva unha semana sen casos.
- Barreiros por debaixo de 10 casos.
- Burela, por debaixo de 10.
- Cervo, por debaixo de 10.
- Foz baixa a 18 (1 menos).
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos en quince días.
- Ourol, sen casos na última semana.
- Ribadeo sobe 1 ata 28.
- Riotorto, sen casos na última semana.
- Trabada sen casos xa en quince días.
- Viveiro ten 25 casos, 3 máis.
- Xove, sen casos máis de quince días.
Terra Chá
- A Pastoriza sobe a 42 (1 máis).
- Abadín, sen casos en unha semana.
- As Pontes, por debaixo de 10.
- Begonte reduce a 11 (4 menos).
- Castro de Rei baixa 3 ata 47.
- Cospeito segue con 24 casos.
- Friol continúa con 12.
- Guitiriz, por debaixo de 10 casos.
- Meira reduce a 10 casos (1 menos).
- Muras, sen positivos dende hai máis de quince días.
- Outeiro de Rei baixa a 13 (3 menos).
- Pol, por debaixo de 10.
- Rábade, por debaixo de 10 casos.
- Vilalba reduce a 39 casos (5 menos).
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, sen casos novos nunha semana.
- O Páramo, con menos de 10.
- Paradela contabiliza 10 casos.
- Samos xa está sen casos unha semana.
- Sarria continúa con 26.
- Triacastela, menos de 10 casos.
Centro da provincia
- A Fonsagrada, volve ter algún caso.
- Antas de Ulla reduce ata 10 (1 menos).
- As Nogais, sen casos nos últimos quince días.
- Baralla reduce 1 ata 52.
- Baleira, xa leva sen casos quince días.
- Becerreá, por debaixo de 10 casos.
- Castroverde, con menos de 10 casos.
- Cervantes, sen casos na última semana.
- Guntín, con menos de 10 casos.
- Lugo recupera 3 casos ata 320.
- Monterroso descende 1 ata 38.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei sobe a 30 casos (1 máis).
- Pedrafita leva quince días sen casos.
- Portomarín, por debaixo de 10.
- Ribeira de Piquín leva xa quince días sen casos.
Ribeira Sacra
- A Pobra de Brollón sobe ata 11 casos.
- Bóveda xa leva unha semana sen casos.
- Carballedo, unha semana sen casos.
- Chantada reduce a 35 (5 menos).
- Folgoso do Courel, por debaixo de 10.
- Monforte seguen baixando. Son 250, 19 menos.
- O Saviñao segue con 26.
- Pantón, con menos de 10 casos.
- Quiroga sobe a 15 casos (4 máis).
- Ribas de Sil, sen casos en quince días.
- Sober reduce a 10 casos (1 menos).
- Taboada sobe 1 ata 13 casos.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
