A provincia de Lugo experimentou un importante descenso de casos activos debido a un elevado número de altas aínda que os contaxios seguen sendo estables. Así, hai 1.315 casos activos, 93 menos que onte, cun rexistro de 63 novos positivos e 155 altas. Onte houbo un crecemento de 6 casos activos, con 53 novos enfermos e 47 altas.
Ademais, dende que comezou a pandemia, no mes de marzo do pasado ano, hai 19.396 casos rexistrados e 237 persoas falecidas, 20 nesta quinta vaga.
A presión hospitalaria sobe lixeiramente. Hai 33 persoas ingresadas en tres hospitais (1 máis). Na UCI do Hula os ingresos sobe de novo nun máis (3 en total), e nas diferentes plantas son 30 os enfermos; 21están no de Lugo (2 menos), 6 na Mariña (1 máis) e 3 en Monforte (1 máis).
MAPA DE RESTRICIÓNS
O sistema de alerta está establecido en 4 niveis do seguinte xeito dende hoxe:
-
- En alerta máxima: Monforte.
- En alerta alta: Antas de Ulla, Monterroso, Palas de Rei, Vilalba, A Pastoriza, Castro de Rei, Meira e O Saviñao.
- No nivel medio: Chantada, Lugo, Outeiro de Rei, Baralla, Cospeito e Taboada.
- No nivel baixo: o resto de concellos.
POR COMARCAS
Seguen sumándose os concellos que quedan limpos de covid mentres o virus empeza a desaparecer dos núcleos onde se produciron gromos.
A Mariña
- A Pontenova baixa a 10 casos (2 menos).
- Alfoz leva unha semana sen casos.
- Barreiros por debaixo de 10 casos.
- Burela, por debaixo de 10.
- Cervo, por debaixo de 10.
- Foz baixa a 17 (1 menos).
- Lourenzá, por debaixo de 10.
- Mondoñedo, sen casos xa nunha semana.
- O Valadouro, por debaixo de 10 casos.
- O Vicedo sen casos en quince días.
- Ourol, sen casos na última semana.
- Ribadeo baixa 1 ata 27.
- Riotorto, sen casos na última semana.
- Trabada sen casos xa en quince días.
- Viveiro ten 22 casos, 3 menos.
- Xove, sen casos máis de quince días.
Terra Chá
- A Pastoriza reduce a 38 (4 menos).
- Abadín volve ter algún caso.
- As Pontes, por debaixo de 10.
- Begonte reduce a 10 (1 menos).
- Castro de Rei baixa 2 ata 45.
- Cospeito ten 22 casos (2 menos).
- Friol continúa con 12.
- Guitiriz, por debaixo de 10 casos.
- Meira xa está por debaixo de 10.
- Muras, sen positivos dende hai máis de quince días.
- Outeiro de Rei baixa a 11 activos e sen casos a última semana.
- Pol, sen casos novos nunha semana.
- Rábade, por debaixo de 10 casos.
- Vilalba reduce a 38 casos (1 menos).
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, sen casos novos nunha semana.
- O Páramo, con menos de 10.
- Paradela contabiliza 12 casos (2 máis).
- Samos está sen casos unha semana.
- Sarria baixa a 22 (4 menos).
- Triacastela, sen casos novos nunha semana.
Centro da provincia
- A Fonsagrada, por debaixo de 10.
- Antas de Ulla sobe a 13 (3 máis).
- As Nogais, sen casos nos últimos quince días.
- Baralla reduce 1 ata 51.
- Baleira, xa leva sen casos quince días.
- Becerreá, por debaixo de 10 casos.
- Castroverde, con menos de 10 casos.
- Cervantes, sen casos na última semana.
- Guntín, con menos de 10 casos.
- Lugo reduce 7 casos ata 313.
- Monterroso sobe 3 ata 41.
- Navia de Suarna, sen casos novos na última semana.
- Negueira de Muñiz, sen casos en quince días.
- O Corgo, menos de 10 casos.
- Palas de Rei sobe a 36 casos (6 máis).
- Pedrafita leva quince días sen casos.
- Portomarín, por debaixo de 10.
- Ribeira de Piquín leva xa quince días sen casos.
Ribeira Sacra
- A Pobra de Brollón continúa con 11 casos.
- Bóveda xa leva unha semana sen casos.
- Carballedo, unha semana sen casos.
- Chantada reduce a 33 (2 menos).
- Folgoso do Courel, por debaixo de 10.
- Monforte seguen baixando. Son 232, 18 menos.
- O Saviñao segue con 26.
- Pantón volve estar por debaixo de 10.
- Quiroga reduce 1 a 14 casos.
- Ribas de Sil volve ter algún caso.
- Sober volve estar por debaixo de 10.
- Taboada sobe 1 ata 14 casos.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.
