O alcalde de Castro de Rei, Francisco Balado, confirmou esta tarde que xa se pode consumir de novo auga da traída segundo indican os resultados das análises realizadas.
En días anteriores emendouse o problema da auga da traída, que provocou que se interrompese a súa subministración en 14 parroquias, afectando a máis de 3.000 dos 5.000 veciños do concello, pola alta presenza de arsénico.
Segundo indicou “agora xa está todo ben, e emendouse o problema inicial”. Balado constatou que “xa o xoves pasado substituíronse as partes dos filtros que deixaban pasar area e deixaban pasar todo a auga sen tratar” e esperábase ao resultados das análises para dar luz verde ao consumo.
A pasada semana, Castro de Rei viuse obrigado a interromper o consumo de auga, en 14 parroquias, por esa alta presenza de niveis de arsénico, por encima de limítelos que marca a Unión Europea.
