A unidade móbil da Inspección Técnica de vehículos agrícolas desprazarase ao Concello do Corgo nos meses de decembro e xaneiro, en concreto os días 28, 29, 30 de decembro e 3, 4, 5, 7, 10 e 11 de xaneiro.
A unidade prestará servizo no mercado de Adai dende as 09.00 ás 13.30 e de 15.15 a 18.00 horas o día 28 de decembro.
Tamén se atopará no campo de festa de Laxosa os días 29 e 30 de decembro dende as 9.00 ás 13.30 horas e de 15.15 ás 18.00 tan só o día 29 de decembro.
Na explanada do polígono industrial do Corgo atoparase a unidade móbil da ITV agrícola os días 3 e 4 de xaneiro de 9.00 a 13.30 horas e de 15.15 a 18.00 horas. O día 5 de xaneiro tan só terá horario de mañá.
A explanada cerca da igrexa de Sabarei tamén acollerá este servizo o día 7 de xaneiro de 9.00 a 13.30 horas, e os días 10 e 11 de xaneiro de 9.00 a 13.30 e de 15.15 a 18 horas.
As persoas interesadas deben solicitar cita previa chamando ao teléfono 902 30 90 00 ou a través da páxina web www.sycitv.com.
