O concelleiro do BNG Felipe Rivas vén de ser escollido novo responsábel local do BNG de Lugo. A renovación dos órganos de dirección do BNG enmárcase dentro dos traballos posteriores á Asemblea Nacional do BNG celebrada na Coruña o pasado mes de novembro. “Afrontamos este novo reto con ilusión e co ánimo de expandir o proxecto do BNG a nivel local”, explicou Felipe Rivas.
O consello local estará formado por un total de 15 persoas, ás que se sumará a persoa escollida pola organización xuvenil do BNG, Galiza Nova. O responsábel local pasará a formar parte tamén do Consello Comarcal do BNG. O novo consello local mestura experiencia e renovación, unindo a persoas con experiencia no organismo con persoas que terán neste período o seu primeiro contacto cos organismos do BNG.
Felipe Rivas destacou a importancia da militancia á hora de tomar decisións no seo do BNG. “As e os militantes do BNG somos os encargados de decidir a liña política e as decisións de peso dentro da organización”.
Novo consello local do BNG
- Felipe Rivas Jorge
- Iria Buide Pena
- Xose Luís Varela Piñeiro
- Maite Ferreiro Tallón
- Cristina López Fernández
- Rubén Arroxo Fernández
- Beatriz Cedrón Vilar
- Alexandre Espiño Castro
- Carme Salvadores Cobas
- Lois Neto López
- Laura Arrojo Reguera
- Xosé Paz Fernández
- Vitor Otero Vázquez
- Paz Abraira Sobrado
- Luís Blanco Rivadulla
Suplentes
- Natalia Cabana Rancaño
- David Vázquez Vázquez
- Pedro Gómez Val
- Pascuala Dorado Fernández
