Os diferentes concellos da comarca tinguíronse de negro hoxe en conmemoración do Día Internacional contra a Violencia de Xénero ou 25N. Así, a veciñanza reuníuse fronte aos edificos consistoriais ou nas prazas principais para facer lecturas de manifestos ou actividades como andainas e concentracións para visibilizar esta lacra social.
A violencia contra mulleres e nenas é unha das violacións dos dereitos humanos mais extendidas, persistentes e devastadoras do mundo actual sobre as que apenas se informa debido á impunidade da cal desfrutan os perpetradores, e o silencio, a estigmatización e a vergoña que sofren as víctimas. En xeral, a violencia maniféstase de forma física, sexual e psicolóxixa, e inclúe: violencia por un compañeiro sentimental; violencia sexual e acoso; trata de seres humanos; mutilación xenital; matrimonio infantil; …
A Declaración sobre a eliminación da violencia contra a muller emitida pola Asamblea Xeral da ONU en 1993, define a violencia contra a muller como “todo acto de violencia que teña ou poida ter como resultado un dano ou sufrimento físico, sexual o psicolóxico para a muller, así como as ameazas de tales actos, a coacción ou a privación arbitraria da liberdade, tanto si se producen na vida pública como na vida privada.”
Os efectos psicolóxicos adversos da violencia contra as mulleres e as nenas, ao igual que as consecuencias negativas para a súa saúde sexual e reproductiva, afectan ás mulleres en toda etapa das súas vidas. Por exemplo, as desventaxas temperás en materia de educación non só constitúen o obstáculo principal para acadar a escolarización universal e facer cumprir o dereito á educación das nenas, logo tamén se restrinxe o acceso á educaciónsuperior da muller e limita as súas oportunidades de emprego. Aínda que todas as mulleres, en todas partes do mundo, poden sofrer violencia de xénero, algunhas mulleres e nenas son particularmente vulnerables, como as nenas e as mulleres maiores, as mulleres lesbianas, bisexuais, transxénero ou intersex, as migrantes e refuxiadas, as dos pobos indíxenas ou minorías étnicas, … en definitiva, a violencia contra a muller segue sendo un obstáculo para acadar a igualdade, desenvolvemento, paz, así coma o respeito dos dereitos humanos de mulleres e nenas.
