As vitrinas de cerámica e vidro da Sala 20 na primeira planta do Museo Provincial de Lugo concluiron os seus traballos de reforna e actualización. Esta renovación fai que a visita sexa máis didáctica, accesible, visual e atractiva para todos os públicos.
A intervención consistiu na inclusión de cartelería para identificar as pezas expostas e na colocación de paneis de fondos das vitrinas con debuxos, textos explicativos e fotografías, ademais de substituír algunhas pezas que figuraban na exposición estable por outras da sala. Esto favorece a comprensión dos cidadáns que se acheguen a visitar estas obras.
A actuación foi realizada polos departamentos de Belas Artes e Arqueoloxía e Historia coa coordinación de Aurelia Balseiro. Mellora a experiencia das persoas visitantes, contribuíndo ao coñecemento e difusión deste patrimonio do Museo de Lugo.
