Tarde desapacible, cunhas baixísimas temperaturas e campo moi lento para a undécima tirada de bolos de Xove, aínda así, tiveron unha participación de 26 xogadores.
Na Sénior Masculina o líder e campión das dúas últimas tempadas está entonado e en racha, acadando a súa 4ª victoria consecutiva, liderando a clasificación con 88 puntos, 6 máis que Francisco López quen, a pesar de estar mermado físicamente, está demostrando unha gran coraxe e resistindo o tirón do líder. Terceiro está o xove Daniel Alonso, que ano a ano vai progresando no seu xogo e xa está chamando ás portas do liderato.
Hai varios anos falabamos de que Miguel López e Daniel Alonso estaban destinados a dominar este xogo nos vindeiros anos; pois ben, Miguel López gañador das dúas últimas edición e Daniel Alonso xogando a un nivel altísimo, xa son dúas realidades neste deporte. A eles xa se está sumando Javier Alonso, irmán de Daniel, e que tamén apunta ao máis alto. Recordamos aqué quer Daniel e Javier on netos dun gran xogador de bolos como é O Catalán (José López Ribeira) e que inda xoga e participa na Liga de Maiores de 60 anos.
Por detrás do trio de cabeza está outro clásico como é Rafael González, vencedor de varias edicións deste campionato e que dende hai moitos anos está no cumio deste deporte. En quinta posición atópase Jordi Meitín, que tamén está a facer unha boa campaña, pero que neste momento non está totalmente acertado cunha das súas principais virtudes como é o desquite.
Ns liga Feminina a victoria de Concepción Piñeiro, a segunda victoria neste campionato, rompe unha racha de 5 victorias consecutivas da líder e actual campiona Julia López.
A victoria de Concepción permítelle achegarse na clasificación e soñar con acceder ao 2º ou 3º posto final, que nestes intres ocupan Belén Meitín (34 puntos) e Carmen Roca (28 puntos). Tamén lle permite ter un colchón de 8 puntos respecto da súa perseguidora Salomé Bermúdez.
Na liga Sub 16 segue a guerra entre Xenxo Salgueiro, que non afloxa, e Christian Cociña, que sigue apretando. Nas tres últimas tiradas repiteuse a clasificación con victoria para Xenxo (6 puntos cada victoria) e segundo posto (4 puntos cada 2º posto) máis mellor bolada (1 punto) para Christian. Por detrais, os irmáns Jordi e Naia siguen coa súa pugna particular pola 3ª posición da xeral.
A próxima tirada vai celebrarse no Campo Municipal de Fútbol de Xove o vindeiro sábado 29 de xaneiro de 2022.
Así, foron os resultados:
Sénior
Campión: Miguel López Formoso
Subcampión: Daniel Alonso López
Terceiro: Francisco Pérez González
Sénior maiores de 60
Campión: José González Rodríguez
Subcampión: José López Riveira
Terceiro: Arturo Rodríguez Álvarez
Sub16
Campión: Xenxo Salgueiro Franco
Subcampión: Christian Cociña González
Terceiro: Jordi Cancelos López
Feminina
Campiona: Concepción Piñeiro López
Subcampiona: Julia López Formoso
Terceira: Salomé Bermúdez Ben
