O Concello do Vicedo quere mellorar a calidade da auga de abastecemento municipal realizando obras na ETAP e no depósito de San Román.
Estes traballos de mellora consisten no baleirado e reparación de filtro de area, automatización e instrumentación da ETAP e instalación de sistema de telecontrol en depósito.
As actuacións, que contan cun orzamento de 48.116,19 euros con ive engadido, contan cunha aportación municipal de 9.623,24 euros o que supón o 20% do total e o restante está financiado por Augas de Galicia a través do Fondo Europeo de Desenvolvemento Rexional (FEDER) no marco do eixe REACT – UE do programa operativo Feder – Galicia 2014 – 2020.
