Skip to main content
Lugo

Os Cantos de Nadal chegan ao seu fin no día de hoxe, 7 de xaneiro

Por 7 Xaneiro, 2022Xaneiro 8th, 2022Sin comentarios

O programa Cantos de Nadal deu comezo o pasado 20 de decembro. Nel diferentes corais ofrecían actuacións musicais nas rúas de Lugo. En total houbo vinte concertos de corais que se realizaron en distintos emprazamentos ao aire libre ata o día de hoxe, 7 de xaneiro que terá lugar o último. Nesta derradeira xornada, será o Coro Amigos do Camiño de Santiago o que encherá as rúas de Lugo de panxoliñas e cantos tradicionais.

Esta coral comezará ás 20.00 horas a súa actuación na Rúa da Raíña, continuará cantando no Fondo da Praza Maior e rematará na Praza do Campo.

Esta iniciativa contribuíu á dinamización das rúas da cidade nunhas datas tan especiais como as do Nadal. Ademais, apoiou no funcionamento destas agrupacións que manteñen viva a actividade musical e cultural.

As encargadas de comezar o programa foron Cantar Delas, o único grupo coral de voces brancas da provincia de Lugo que agrupa 18 voces femininas dirixidas por Fernando Gómez Jácome.

Durante estas datas de festividade, os lucenses puideron escoitar nas súas rúas ao Coro do Hospital de Lugo, a Schola Gregoriana Lucensis, a Asociación Músico Vocal Xeada, ao Conxunto Vocal Lugh, ao Orfeón Xoan Montes, a Coral Polifónica Xolda, ao Orfeón Lucense e a Ecos do Miño.