Skip to main content
Lugo

O Galicia Head Tour terá lugar na cidade amurallada do 28 de xaneiro ao 20 de febreiro

Por 27 Xaneiro, 2022Xaneiro 28th, 2022Sin comentarios

A cidade de Lugo acollerá do 28 de xaneiro ao 29 de febreiro o Galicia Head Tour, un circuíto xuvenil organizado pola Federación Galega de Tenis, que se disputará nas categorías de Alevín, Infantil, Cadete e Junior masculino e feminino, cunha alta porcentaxe de inscrición de tenistas lucenses.

O torneo no que colabora o Concello de Lugo, está organizado pola Federación Galega de Tenis, o Centro Deportivo D10 e o Club de Tenis de As Termas, terá lugar nas Pistas de Tenis Municipais de Frigsa e nas pistas do Centro Deportivo D10.

Ao acto de presentación asistiron o xerente do Centro Deportivo D10, Leovigildo Real Guerreiro e o presidente do Club de Tenis As Termas, Jose Andrés Pereiro. O edil apuntaba que “promover pautas de vida saudable entre a poboación, especialmente na mocidade é un dos obxectivos da concellería”, ao tempo que destacou que o tenis é unha das modalidades deportivas que conta con máis afeccionados na nosa cidade.

A inscrición pechou o 20 de xaneiro con 341 deportistas anotados. As inscricións individuais tiveron un custe de 12,5 euros mentres que as dobres custaban 6,25.

PREMIOS
Haberá un trofeo para cada campión e subcampión de cada categoría.