Skip to main content
Comarca SARRIAXA

Cinco concellos de Sarria beneficiaranse das axudas de contratación de axentes de emprego

Por 11 Xaneiro, 2022Sin comentarios

A comarca de Sarria recibirá un total de 44.400 euros para apoiar o mantemento ou contratación de axentes de emprego e desenvolvemento local en cinco concellos.

Para a concesión destas axudas e a contía que recibirá cada concello tívose en conta a media de paro rexistrado en cada municipio durante o ano 2020.

Os concellos que recibirán esta prestación son Sarria, Láncara, Triacastela, O Páramo e Samos.

En total, a Consellería de Emprego destina 430.000 euros para o mantemento ou contratación de 45 axentes de emprego e desenvolvemento local en toda a provincia de Lugo. Cada entidade contará con axuda para a contratación dun axente.

A Xunta sufraga a contratación durante un ano de cada axente, colaborando co financiamento do custe salarial total, incluíndo o pago da cotización empresarial á Seguridade Social por todos os conceptos.