Skip to main content
Comarca SARRIAXA

Tan só se suspendeu un dos partidos desta fin de semana

Por 15 Xaneiro, 2022Sin comentarios

As ligas de fútbol volven á normalidade trala xornada anterior, que estivo marcada pola cancelación e aprazamento de enfrontamentos debido á situación xerada pola gran incidencia da Covid 19.

O Sarriana enfrontarase ao equipo mariñán, o Ribadeo FC no Pepe Barrera. O encontro entre o líder e o sétimo da clasificación terá lugar o domingo ás 16.15 horas.

En Segunda Galicia a fin de semana caracterízase polo derbi comarcal entre o Paradela e o Páramo. O enfrontamento que terá lugar o domingo ás 16.00 horas suporá a definición do segundo posto da clasificación. O Paradela sitúase neste posto, na actualidade, con 16 puntos mentres que o Páramo vai terceiro con 14.

No grupo 2B o encontro que tería lugar o día de hoxe, 15 de xaneiro, entre o Chantada B e o Oural suspendeuse. Por outra banda, O Incio e o Ferreiro xogarán o partido no Carboeiro ás 16.00. O equipo local, da comarca de Sarria que vai penúltimo na clasificación xogará contra o líder.