Skip to main content
Paradela

Os Reis Magos recibirán aos nenos en Paradela o día 6 de xaneiro

Por 3 Xaneiro, 2022Sin comentarios

O día 6 de xaneiro, Paradela recibirá aos Reis Magos de Oriente para agasallar e visitar aos nenos do Concello.

O percorrido dará comezo ás 17.30 horas na gasolineira e fará unha ruta pola vila cas carrozas rematando no mercado gandeiro.

Para amenizar a tarde, os nenos e veciños poderán desfrutar do espectáculo de maxia a cargo do Mago Iago e a continuación ofrecerase unha boa merenda.

Como colofón, os Reis Magos farán a entrega dos agasallos dos nenos para que poidan desfrutar deles no fin de semana previo á volta ao colexio.

Debido á situación sanitaria actual seguiranse as medidas correspondentes para garantir a saúde dos veciños.

MAGO IAGO
O Mago Iago é un artista do mundo do espectáculo que comezou a súa andaina con 3 anos grazas a que o Mago Rafa o subiu ao escenario como axudante. Dende ese día a súa ilusión pola maxia non deixou de crecer.

En marzo do 2021 presentouse ao talentshow Got Talent acadando os tres sis do xurado.