O CEIP San Cosme de Barreiros organiza unhas xornadas de portas abertas os martes 15 e 22 de febreiro para dar a coñecer as súas instalacións e sistema educativo a todos os interesados, agora que esta aberto o prazo de admisión de alumnado para o próximo curso 2022-2023.
O centro de San Cosme conta con servizo de comedor e transporte escolar, xornada continuada de 9,30 hrs a 14,30 hrs. e servizo de biblioteca de 15,30 a 17 hrs.
O colexio de San Cosme de Barreiros participa en proxectos de impulso da natureza e respecto ambiental, conta coa implantación do programa de formación dixital Edixgal e o Plambe, de impulso continuado da biblioteca escolar.
As xornadas de portas abertas serán os martes 15 e 22 de febreiro ás 17.30 hrs. Hai que concertar cita previa chamando ao 982 870 081.
