A Agrupación Socialista de Riotorto denuncia que o Concello non está prestando ningunha axuda social á familia a que se lle quemou a vivenda no lugar de Cachán, o pasado sábado día 12 de febreiro, e onde vive unha muller encamada de avanzada idade xunto co seu fillo.
“Dende a Agrupación Socialista de Riotorto puidemos comprobar que esta familia non está recibindo ningún tipo de asistencia por parte dos servicios sociais do Concello, tal e como anunciou o propio Alcalde, ao que lle gusta moito saír nos medios, pero despois rascamos e resulta que non hai absolutamente nada de nada sobre o que afirma. Ademais hai que puntualizar que a única asistencia coa que conta esta veciña, esta pagada do seu propio peto”, din.
Por iso emprazan ao Concello, da man dos servicios socias do Concello de Riotorto, para que priorice as demandas das persoas maiores da vila, “especialmente das persoas que teñen mobilidade reducida e non poden valerse por si mesmas, xa que precisan moita axuda e atención”.
“Dende o PSOE de Riotorto creemos que o coidado aos nosos maiores debe ser unha prioridade nas políticas do noso Concello, por iso vamos a seguir reclamando e insistindo para que se mellore a calidade de vida da nosa veciñanza”, din.
