O vindeiro sábado 5 de febreiro Jorge e Pepe Coira presentarán “Beiras Vivir2Veces” nos Codex Cinema de Lugo. A presentación dará comezo ás 20.45 horas.
Beiras Vivir2Veces é un documental que foi dirixido por Gaspar Broullón e Jorge Coira sobre Xosé Manuel Beiras o político e economista español, dirixente histórico do nacionalismo galego.
A obra está conformada por unha conversa entre o protagonista, Beiras, e os directores do documental entre outros convidados que se encargan de facer un percorrido na súa historia política. O protagonista repasa a súa traxectoria seguindo dúas pistas: dunha banda, os lugares que mellor o identifican; e doutra, as imaxes máis emblemáticas dun percorrido vital de oito décadas.
A produtora a cargo deste proxecto é Ollo Vivo, un proxecto constituido por Pepe Coira, Jorge Coira e Gaspar Broullón. Foi formada no 2016 por tres profesionais de perfil independente que busca o desenvolvemento de proxectos que por interese ou forma non teñen un espazo habitualmente noutras produtoras do medio. Desta forma poderán aportar unha visión propia, pegada á historia e aos personaxes.
