O Saviñao volve organizar o concurso de debuxo día da muller 2022. Este ano cúmprese a quinta edición. Está dirixido aos alumnos dos colexios de Escairón e de Currelos.
O alumnado terá que realizar os debuxos en torno ao tema igualdade entre mulleres e homes. Terán ata o 7 de marzo ás 14.00 horas para presentar os debuxos que deberán levar na parte traseira ou nun folio a parte o nome do alumno, a poboación e o teléfono
Haberá catro categorías. A categoría infantil que recolle aos nenos de 4º, 5º e 6º de infantil, primaria A para os cursos 1º, 2º e 3º de primaria, Primaria B para os restantes e Secundaria que abarca a ESO. Os gañadores recibirán vales de 50 euros para gastar nos comercios locais ademais dun diploma acreditativo.
DÍA DA MULLER
O 8 de marzo é o Día da Muller. Esta data conmemora cada 8 de marzo a loita das mulleres pola súa participación na sociedade e o seu desenvolvemento íntegro como persoa, en pé de igualdade co home.
