Skip to main content
O Saviñao

O Círculo Saviñao achega a ‘Movilla y los Irrepetibles’ polo Entroido

Por 27 Febreiro, 2022Sin comentarios

O Círculo Saviñao celebra este ano o entroido coa actuación do grupo “Movilla y los Irrepetibles”. Está formado por Javier Movilla, natural de Castro Caldelas, amante da música mexicana e un personaxe irrepetible, acompañado de Andrés Montes e Toni Fernández, de Gin Tonis, e Iván Pérez Losada ó acordeón.

O seu carácter afable reflíctese no seu espectáculo, no que rende homenaxe ós grandes autores e interpretes do xénero, desde os clásicos como Jorge Negrete, Vicente Fernández ou Chavela Vargas, ata versións de coñecidísimos artistas nacionais como Joaquín Sabina, Revolver, Los Secretos, Loquillo, Miguel Ríos ou Antonio Flores.

Un concerto divertido, peculiar e repleto de momentos para desfrutar…

Por segundo ano, apostan por non ofrecer o tradicional baile de disfraces debido á situación sanitaria, pero si trasladar ó público de Escairón algo de ambiente festivo coas precaucións habituais de ventilación, distancia e mascarilla desta pandemia aínda presente.

Será este luns de Entroido ás 19.00 horas no local social.