O Concello de Muras relanzou a súa biblioteca municipal ao finalizar o proceso de contratación dunha nova responsable desta infraestrutura, situada nas instalacións da casa consistorial.
Lidia é a nova responsable do servizo, que estrea tamén horario actualizado, de luns a venres de 16.00 a 20.oo horas.
Como auxiliar de biblioteca, a nova xerente accedeu á xestión da mesma a través dun concurso oposición para substituír á técnica municipal que se encargaba do servizo ata o de agora.
Este novo servizo abriuse co financiamento do Plan Único da Deputación de Lugo e permite ofrecer un servizo completo de información bibliográfica, lectura de sala, zona de estudo, préstamo a domicilio, uso de ordenadores e uso público e gratuíto da wifi.
