Skip to main content
Rábade LUGOXARábade TERRACHÁXA

Rábade acolle a partir do venres a Festa do Mexillón, que foi adiada pola covid

Por 24 Febreiro, 2022Xuño 21st, 2022Sin comentarios

Trala pausa do ano 2021 por mor da pandemia, este ano volve a Festa de Exaltación do Mexillón a Rábade pero faino fóra da súa data habitual, xa que sempre coincidía coa celebración de San Vicenzo, a última fin de semana de xaneiro.

Este ano, xa se anunciara que o Festa do Mexillón íase aprazar pola alta incidencia de casos covid por esas datas e agora que xa se levantaron a maior parte das restricións óptase pola súa celebración na que xa é a súa XVIII edición.

Ao celebrarse sen coincidir co resto de celebracións será toda a fin de semana comezando este venres 25 para rematar o domingo 27.

Todos os veciños e visitantes poderán desfrutar de múltiples e exquisitas preparación deste molusco nun total de dez locais, o Asador Coto Real, os bares Cruz, Morsa e Mozart, as cafeterías Beethoven, Los Arcos e Ana, a Cervecería Ágora, o restaurante Avenida e a taberna O Peneiro.

Os locais que participan nestas xornadas de exaltación contarán cun distintivo como establecemento colaborador.

Esta festa coincide coa celebración do entroido, que terá o prato forte o martes día 1 de marzo e o Memorial Eduardo Fernández Villamarín, que se celebra o sábado.