Skip to main content
RiotortoRiotorto AMARIÑAXA

A Confederación actúa en varios cauces de Riotorto

Por 19 Marzo, 2022Sin comentarios

A Confederación Hidrográfica do Cantábrico finalizou os traballos de mantemento e conservación nos leitos de varios ríos do termo municipal de Riotorto. Actuouse no río Torto, na contorna das Rodrigas, no río Machín, nas inmediacións de O Machín, e no río Ferreiravella, nas proximidades de Carboeiro e A Grova. A lonxitude total destas actuacións ascende a 2497 m de leito.

Os traballos principais consistiron na retirada de árbores e restos vexetais acumulados en diferentes tramos do leito, así como a talla de árbores secas, enfermos ou con risco de caída, e a realización de labores de poda.

Estes traballos, cun investimento de 39.585,48 euros, realizáronse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, nas que os labores de conservación e mantemento de leitos son competencia dos concellos. Durante o pasado ano 2021 investíronse en Lugo 528.178,01 € repartidos en 42 actuacións en 14 municipios.