O mago Rafa actuou para socios e socias de ASPACE-LUGO, e persoas que os acompañaron, o pasado sábado 26 de febreiro, ás 19.00 horas, no local de Hipócrita Teatro, sito na rúa Doutor Gasalla, n° 18.
Esta actuación levouse a cabo dentro do programa de “MAXIA SOLIDARIA en Galicia’, da Fundación Abracadabra de Magos Solidarios, coa colaboración do Grupo Inditex.
Dito programa ten como obxectivo impulsar, en Galicia, accións para colectivos vulnerables coa a misión de levar a ilusión da maxia a todas as persoas que necesitan sentir que aínda teñen a capacidade de ilusionarse e, así potenciar as súas cualidades más creativas e positivas, mellorando a súa calidade de vida.
MAGO RAFA
É un ilusionista nado en Lugo que leva máis de 15 anos traballando con dous obxectivos comúns, divertir e sorprender. Durante todos estes anos traballou para conseguir un estilo que o caracteriza, a proximidade.
