Skip to main content
Negueira de Muñiz

Adega Lugo organiza un novo roteiro polas montañas de Negueira de Muñiz

Por 14 Marzo, 2022Sin comentarios

Continuando co programa de roteiros “As nosas sagradas montañas” o vindeiro domingo 20 de marzo, Adega Lugo e os interesados visitarán a zona de Negueira de Muñiz, xunto coa Asociación para o Desenvolvemento de Negueira (ADN).

O bus deixará aos participantes na aldea asturiana de Uría onde comezará o ascenso ata o Birileo ou Busbeirón (1286m) dende onde, se o tempo acompaña, poderase contemplar unha gran panorámica dende os Ancares ate a costa cantábrica. No camiño atoparanse alvarizas e curros, e coñeceranse a afección de varios proxectos eólicos propostos para esta zona.

O Birileo está catalogado como o cumio máis alto dos Montes de A Fonsagrada e é o punto de confluencia dos concellos de A Fonsagrada, Negueira de Muñiz e do asturiano Ibías. A ruta é circular e conta cun percorrido de algo menos de 18Km cun desnivel de 911m, ten unha dificultade media-baixa.

Para participar no roteiro é preciso reservar praza antes do venres 18 ás 13.00 horas. Toda a información e reservas en www.adega.gal

O prezo para o público en xeral será de 18 euros mentres que para os socios será de 12 euros e para os estudantes 15 euros. Os menos de 14 anos pagarán 5 euros.

Para a realización do roteiro recoméndase levar roupa e calzado axeitaddos e comida para o camiño. As prazas asignaranse por orde de inscrición.