A Confederación Hidrográfica do Cantábrico finalizou os traballos de mantemento e conservación nos leitos de dous ríos do termo municipal de Negueira de Muñiz. Actuouse no rego de Acevedo na contorna de Barcela e no rego de Covas nas inmediacións de Santalla. A lonxitude total destas actuacións ascende a 529 m de leito.
Os traballos principais consistiron na retirada de árbores e restos vexetais acumulados en diferentes tramos do leito, así como a talla de árbores secas, enfermos ou con risco de caída, e realización de traballos de poda. Ademais, nun tramo do rego Acevedo procedeuse á recolocación de acarreos para recuperar a sección de desaugadoiro e á estabilización de noiros con técnicas de bioingeniería.
Estes traballos, cun investimento de 30.893,72 euros, realizáronse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, nas que os labores de conservación e mantemento de leitos son competencia dos concellos. Durante o pasado ano 2021 investíronse en Lugo 528.178,01 euros repartidos en 42 actuacións en 14 municipios.
