A proba Enduro tivo lugar no Concello de Pantón esta fin de semana, os días 19 e 20 de marzo. O enduro é unha modalidade deportiva de motociclismo que se practica no campo aberto ou cuberto. Nestas carreiras realizanse percorridos ou etapas establecidas pola organización en tempos establecidos. Entre as etapas atópanse probas curtas cronometradas que requiren habilidade, destreza e velocidade sobre a moto.
O día 19 de 12.00 a 16.00 foi o Mini enDuro infantil, posteriormente ás 18.00 horas foi a verificación na Praza do Concello.
O día 20 foi o percorrido para os adultos que saiu da praza do Concello do Castro de Ferreira, pasou polo Balneario Iberik Augasantas, Budián, Pombeiro, Guítara e o Castro de Ferreira. Ás 11.00 horas tivo lugar a salida do primeiro participante da praza do Concello, sobre ás 16.00 horas chegou o Campo da Feira e ás 17.00 entregáronse os premios na Praza do Concello.
